काठमाडौँ । साताको अन्तिम कारोबार दिन नेप्से परिसूचकमा गिरावट आएको छ ।
बुधबार नेप्से परिसूचक १३दशमलव५२ अंक घटेर २६३१दशमलव१७ विन्दुमा झरेको हो ।
यस दिन यसदिन सेन्सेटिभ इण्डेक्स ३दशमलव०३ अंक, फ्लोट इण्डेक्स १दशमलव०१ अंक र सेन्सेटिभ फ्लोट इण्डेक्स १दशमलव०४ अंक घटेका छन् ।
यद्यपि, बजारको कारोबार रकममा भने वृद्धि भएको छ ।
मंगलबारको ४ अर्ब ४८ करोड रुपैयाँको तुलनामा यस दिन ५ अर्ब २३ करोड ५६ लाख ९९ हजार रुपैयाँ बराबरको १ करोड ८ लाख ७३ हजार कित्ता शेयर खरिदबिक्री भएको छ ।
यस दिन ३३२ स्टकको ६७ हजार ४८५ पटक कारोबार भएको थियो ।
यस दिन ५ स्टकको शेयर सकारात्मक सर्किट लेभलमा कारोबार भएको छ । सागर डिष्टिलरी, मिथिला लघुवित्त वित्तीय संस्था, झापा इनर्जी, स्वस्तिक लघुवित्त वित्तीय संस्था र श्रीनगर एग्रीटेक इन्डष्ट्रीजका शेयरहरू सकारात्मक सर्किटमा पुगेका हुन् ।
त्यस्तै, ओम मेगाश्री फर्मास्यूटिकल्सको शेयरमूल्य ७ प्रतिशत बढेको छ भने बुङ्गल हाइड्रोको शेयर मूल्य पनि करिब ६दशमलव५ प्रतिशतले वृद्धि भएको छ ।
यस दिनको कारोबारमा धेरै स्टकहरूको मूल्य गिरावट भने ३ प्रतिशतभन्दा कम छ ।
कारोबार रकमका आधारमा बन्दीपुर केबलकार एण्ड टुरिजमको शेयर सबैभन्दा बढी किनबेच भएको छ, जसको कुल कारोबार रकम १८ करोड ४९ लाख ७६ हजार रुपैयाँ रहेको छ। हिमालयन रि इन्स्योरेन्सको १८ करोड रुपैयाँको शेयर कारोबार भएको छ ।
यस दिन १३ उपसमूहमध्ये ४ उपसमूहमाको परिसूचकमा वृद्धि भएको छ भने ९ उपसमूहको परिसूचक घटेको छ ।
वित्त उपसमूहमाको परिसूचक सर्वाधिक १दशमलव५९ प्रतिशत बढेको छ।
यस्तै, होटल तथा पर्यटन, उत्पादन तथा प्रशोधन र म्युचुअल फण्ड उपसमूहका परिसूचक पनि सामान्य रुपमा बढेका छन् ।
