पोखरा । गैरआवासी नेपाली संघ (एनआरएनए) मा एकता घोषणा गरिएको छ ।
प्रधानमन्त्री सुशीला कार्कीको उपस्थितिमा आइतबार संघको एकता घोषणा गरिएको हो ।
विभाजित संघमा अध्यक्षद्वय डा. बद्री केसी र महेश श्रेष्ठले एकताको सम्झौतापत्रमा हस्ताक्षर गरेका छन् ।
१०औँ महाधिवेशनबाट शुरू भएको सदस्यतासम्बन्धी विवादले संघ विभाजनमा पुगेको थियो ।
१०औँ र ११औँ महाधिवेशनमा निर्वाचित भएका दुबैतिरका समितिलाई मान्यता दिने, १२औँ महाविधेशन गर्नका लागि अध्यक्ष केसी र श्रेष्ठ रहेको स्टेयरिङ कमिटी गठन गर्ने, अदालतमा दुवै पक्षले गरेका मुद्दामामिला फिर्ता गर्ने, सदस्यता वितरणको लागि समय थप गर्नेलगायतका सहमति भएको छ ।
