पोखरा । नेपाल प्रिमियर लिग (एनपीएल) टी-२० क्रिकेटमा अहिले जनकपुर बोल्ट्स र सुदूरपश्चिम रोयल्स भिडिरहेका छन् ।
खेलमा जनकपुरले टस जितेर पहिले ब्याटिङ गरिरहेको छ ।
यो खेल जित्दा सुदूरपश्चिम प्लेअफमा पुग्ने पहिलो टिम बन्नेछ । पराजित हुँदा जनकपुर प्लेअफ होडबाट बाहिरिने पहिलो टिम बन्नेछ ।
आजै भएको पहिलो खेलमा लुम्बिनी लायन्सले रोमाञ्चक जित हासिल गरेको छ । लुम्बिनीले पोखरा एभेन्जर्समाथि ३ विकेटको रोमाञ्चक जित हासिल गरेको हो ।
आठ टिम सहभागी एनपीएलमा अहिलेसम्म सुदूरपश्चिममात्र अपराजित रहेको छ । सुदूरले खेलेका चार ओटै खेल जितेको छ । सुदूर प्लेअफ नजिक पुगेको छ । विराटनगरले पाँच खेल खेलेकामा चार खेल जितेर ८ अंकसहित दोस्रो स्थानमा छ ।
काठमाडौँ गोर्खाज ५ खेलमा ६ अकसहित तेस्रो स्थानमा छ । चितवन राइनोज ४ खेलबाट ४ अकसहित चौथो स्थानमा छ । लुम्बिनी ५ खेलमा ४ अंकसहित पाँचौँ स्थानमा पुगेको छ ।
कर्णालीले चारमध्ये एक खेल जितेर छैटौँ स्थानमा छ । पोखरा चार खेलमा एक खेल जितेर २ अंकसहित सातौँ स्थानमा छ ।
साविक विजेता जनकपुरमात्र ३ खेलबाट अंकविहीन छ । अब एक खेल हार्दा जनकपुर प्लेअफ होडबाट बाहिरिनेछ ।
यसअघिका खेलको नतिजाः
१७ औँ खेलमा लुम्बिनीले हरायो पोखरालाई
