काठमाडौँ । नेपाल प्रिमियर लिग (एनपीएल) टी-२० क्रिकेटमा लुम्बिनी लायन्सले रोमाञ्चक जित हासिल गरेको छ ।
शनिबारको पहिलो खेलमा लुम्बनीले पोखरा एभेन्जर्समाथि ३ विकेटको रोमाञ्चक जित हासिल गरेको हो ।
१५१ रनको चुनौती लुम्बनीले दुई बल खेल्न बाँकी छँदै ७ विकेटको क्षतिमा पूरा गरेको हो ।
कप्तान रोहित पौडेलले ३६ बलमा ४०, निकोशन डिकेवालाले २२ बलमा ३७ तथा सन्दीप जोराले २२ बलमा अविजित रहँदै २५ रन बनाए ।
पोखराका लागि सागर ढकाल माट टेलर र बिपिन खत्रीले समान २ विकेट लिए ।
जितसँगै लुम्बनीले प्लेअफको आशा जीवितै राखेको छ ।
खेलमा पहिले ब्याटिङ गरेको पोखराले ५ विकेटको क्षतिमा १५० रन बनायो ।
एडम रोसिङटनले ६३ बलमा ८१ तथा जेम्स नीसमले ३२ बलमा अविजित रहँदै ५१ रन बनाए ।
शेर मल्ल र तिलक भण्डारीले समान २ विकेट लिए ।
आजको अर्को खेलमा जनकपुर बोल्ट्स र सुदूरपश्चिम रोयल्स भिड्ने छन् ।
आठ टिम सहभागी एनपीएलमा अहिलेसम्म सुदूरपश्चिममात्र अपराजित रहेको छ ।
सुदूरले खेलेका चार ओटै खेल जितेको छ । सुदूर प्लेअफ नजिक पुगेको छ ।
विराटनगरले पाँच खेल खेलेकामा चार खेल जितेर ८ अंकसहित दोस्रो स्थानमा छ ।
काठमाडौँ गोर्खाज ५ खेलमा ६ अकसहित तेस्रो स्थानमा छ ।
चितवन राइनोज ४ खेलबाट ४ अकसहित चौथो स्थानमा छ । लुम्बिनी ५ खेलमा ४ अंकसहित पाँचौँ स्थानमा पुगेको छ ।
कर्णालीले चारमध्ये एक खेल जितेर छैटौँ स्थानमा छ । पोखरा चार खेलमा एक खेल जितेर २ अंकसहित सातौँ स्थानमा छ ।
साविक विजेता जनकपुरमात्र ३ खेलबाट अंकविहीन छ । अब एक खेल हार्दा जनकपुर प्लेअफ होडबाट बाहिरिनेछ ।
