मनाङ । चालु आर्थिक वर्षको प्रथम चार महिनामा १६ हजार दुई सय ९६ पर्यटकले मनाङ भ्रमण गरेका छन् ।
अन्नपूर्ण संरक्षण क्षेत्र आयोजना (एक्याप) इलाका संरक्षण कार्यालयका प्रमुख ढकबहादुर भुजेलका अनुसार उक्त अवधिमा एक सय सात देशका नागरिकले मनाङ भ्रमण गरेका हुन् ।
मनाङ आएका पर्यटकमध्ये सार्क राष्ट्रका आठ सय १२ पुरुष र एक सय ७७ महिला तथा अन्य मुलुकका पर्यटकमध्ये नौ हजार छ सय ९५ पुरुष, छ हजार छ सय एक महिला हुन् ।
इजरायलका एक हजार नाै सय १०, फ्रान्सका एक हजार तीन सय ९२ र जर्मनीका एक हजार दुई सय आठ नागरिकले मनाङ भ्रमण गरेका छन् ।
