Nidan Media

फेरि सर्‍यो कांग्रेस केन्द्रीय समिति बैठक, पार्टीभित्रै चर्को आलोचना

काठमाडौँ । नेपाली कांग्रेसको आज बस्ने भनिएको केन्द्रीय कार्यसमितिको बैठक फेरि सरेको छ ।

आज दिउँसो बस्ने भनिएको बैठक आइतबारका लागि सारिएको छ ।

पार्टीका मुख्यसचिव कृष्णप्रसाद पौडेलले प्रेस विज्ञप्ति जारी गर्दै आज दिउँसो २ बजे बस्ने भनिएको बैठक आइतबार दिउँसो २ बजेसम्मका लागि सरेको हो ।

उक्त बैठकमा केन्द्रीय कार्यसमितिका पदाधिकारी, सदस्य, आमन्त्रित सदस्य र सात वटै प्रदेश कार्यसमितिका सभापतिहरूको उपस्थितिका लागि निर्देशानुसार अनुरोध गरिएको उनले विज्ञप्तिमा उल्लेख गरेका छन् ।

तर बैठक किन सार्नु परेको भनी कुनै उल्लेख गरिएको छैन ।

पटक पटक बैठक सारेर नेपालकै सबैभन्दा ठूलो दलले तमासा गरिरहेको भनी चर्को आलोचना भएको छ ।

पार्टीको यही मंसिरभित्रै गर्नुपर्ने चुनावी महाधिवेशन सार्नका लागि अनेक प्रचञ्च रच्न बैठक बस्न ढिलाई गरेको भनी आलोचना भइरहेको हो ।

No widgets found. Go to Widget page and add the widget in Offcanvas Sidebar Widget Area.