काठमाडौँ । नेपाली बजारमा बिहीबार सुनको मूल्य घटेको छ भने चाँदीको ६० रुपैयाँ बढेको छ ।
बुधबारको तुलनामा बिहीबार सुनको भाउ तोलामा चार सय घट्दा चाँदीको ६० रुपैयाँ बढेको हो ।
मूल्य घटेसँगै बिहीबार छापावाला सुनको भाउ प्रतितोला दुई लाख घटेर दुई लाख ४८ हजार चार सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ ।
यसअघि बुधबार सुनको प्रतितोला दुई लाख ४८ हजार आठ सय रुपैयाँमा रहेको थियो ।
सुनको भाउ हालसम्मकै उच्च गत असोज ३१ मा प्रतितोला दुई लाख ५८ हजार रुपैयाँ पुगेको थियो ।
यता, बुधबार प्रतितोला तीन हजार दुई सय २० रुपैयाँमा कारोबार भएको असली चाँदी बिहीबार तीन हजार दुई सय ८० रुपैयाँमा कारोबार भइरहेको छ ।
चाँदीको भाउ हालसम्मकै उच्च गत असोज ३१ मा तीन हजार तीन सय ५० रुपैयाँ पुगेको थियो ।
