पोखरा । नेपाली कांग्रेसका गण्डकी प्रदेश सभापति शुक्रराज शर्माले आफूहरूलाई जिम्मेवारी दिए एक महिनामै महाधिवेशन गर्ने बताएका छन् ।
विशेष महाधिवेशन पक्षधरले काठमाडौँमा आयोजना गरेको भेलामा सभापति शर्माले महाधिवेशन गर्न नसकिने कारण केही नरहको बताए ।
उनले आफूलाई पार्टीले जिम्मेवारी दिए एक महिनाको समय अवधिभित्र महाधिवेशन सक्ने बताए । महाधिवेशनका लागि सातओटै प्रदेश तयार रहेको बताए ।
सभापति शर्माले बीपी कोइरालाका पालामा महाधिवेशन माग गर्नैपर्ने अवस्था नभएको बताए । त्यसबेला सिद्धान्त र पद्दतिअनुसार पार्टी चलेको उल्लेख गर्दै उनले ५४ प्रतिशतले माग गर्दा पनि महाधिवेशन गर्दिन भन्ने अवस्था आउनु दुःखद् रहेको बताए ।
सभापति शर्माले अहिलेको देशको अवस्थामा पार्टीले गल्ती नदोर्होयाउने प्रतिवद्धतासहित जनताका बीचमा जानुपर्ने बताए ।
