पोखरा । बारामा धान झार्ने मेसिनले मोटरसाइकललाई ठक्कर दिँदा मोटरसाइकल चालकको घटनास्थलमै ज्यान गएको छ ।
मृत्यु हुनेमा रौतहटको मौलापुर नगरपालिका वडा नं ३ गम्हरियाका २२ वर्षीय रुपेश साह सोनार छन् ।
महागढीमाई नगरपालिकास्थित इनर्वाचोक नजिक भुतही पुलमा सोमबार राति मधेस प्रदेश ०३-००१ त ८३२० नम्बरको कम्बाइन मेसिनले सोनार सवार मोटरसाइकललाई ठक्कर दिएको थियो ।
मोटरसाइकलमा पछाडि सवार बाराको कोल्हवी नगरपालिका वडा नं १ का २६ वर्षीय सुनील साह सोनार गम्भीर घाइते भएका छन् ।
उनलाई थप उपचारका लागि काठमाडौँ पठाइएको प्रहरीले जनाएको छ ।
दुर्घटनामा परेको मोटरसाइकलको नम्बरसमेत खुल्न नसक्ने गरी जलेर पूर्णरुपमा नष्ट भएको छ ।
मोटरसाईकललाई ठक्कर दिने कम्पाइन मेसिनका चालक भने फरार रहेको र उनको खोजी भइरहेको जिल्ला प्रहरी कार्यालय बाराले जनाएको छ ।
