काठमाडौँ । नेपाली कांग्रेसको केन्द्रीय कार्यसमिति बैठक पुनः स्थगित भएको छ ।
पार्टीका मुख्यसचिव कृष्णप्रसाद पौडेलकाअनुसार आगामी शनिबार १ बजे बस्ने गरी स्थगित भएको हो ।
बैठक बिहीबार दिउँसो २ बजे बस्ने गरी तय भएको थियो ।
गत असोज २८ बाट शुरू भएको कांग्रेस केन्द्रीय समिति बैठक महाधिवेशनको मिति तोक्न नसक्दा पटक-पटक स्थगित हुँदै आएको छ ।
विशेषगरि पार्टीको १५औँ महाधिवेशनबारे कांग्रेसभित्र मतभेद छ ।
संस्थापन समूहले आशन्न प्रतिनिधिसभा निर्वाचनपछि महाधिवेशन चाहेका छन् भने इत्तर समूह यही मंसिरमै महाधिवेशन हुनुपर्ने, यदि नियमित महाधिवेशन हुन नसक्ने अवस्थामा विशेष महाधिवेशनको प्रक्रिया अघि बढाउनुपर्ने अडानमा छ।
