जनकपुर । मधेश प्रदेश प्रमुखको कार्यालय अगाडि तोडफोड भएको छ । मधेस प्रदेश प्रमुख सुमित्रा सुवेदी भण्डारीले एकलौटी ढंगले एमालेका सरोजकुमार यादवलाई मुख्यमन्त्रीमा नियुक्त गरेको भन्दै जसपालगायत सातदलीय गठबन्धनका सांसद तथा पार्टीका कार्यकर्ताले प्रदेश प्रमुखको कार्यालय अगाडि तोडफोड गरेका छन् ।
उनीहरूले प्रदेश प्रमुखको नाम लेखेको नेमप्लेट र मुख्य प्रवेशद्वार बाहिर रहेको गमलालगायतका सजावटका सामान तोडफोड गरेका छन् ।
सो क्रममा उनीहरूले प्रदेश प्रमुख मुर्दावाद, एकलौटी गर्न पाइँदैनलगायतका नारासमेत लगाएका छन् ।
अहिले मधेस भवनभित्र व्यापक मात्रामा प्रहरी र नेपाली सेना परिचालन गरिएको छ ।
मधेस भवन बाहिर भने जसपा नेपाल, लोसपा, नेपाली कांग्रेस, जनमतलगायतका सात दलीय गठबन्धनका नेता कार्यकर्ता टायर बालेर विरोध प्रदर्शन गरिरहेका छन् ।
