काठमाडौँ । नेपाली बजारमा सोमबार सुनचाँदीको भाउ ह्वात्तै बढेको छ ।
आइतबारको तुलनामा सोमबार सुनको भाउ तोलामा दुई हजार नौ सय र चाँदीको ५० रुपैयाँले बढेको छ ।
मूल्य बढेसँगै सोमबार छापावाला सुन प्रतितोला दुई लाख ४१ हजार पाँच सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ ।
सुनकाे भाउ यसअघि प्रतितोला आइतबार दुई लाख ३८ हजार छ सय रुपैयाँ थियो ।
सुनको भाउ हालसम्मकै उच्च गत असोज ३१ गते प्रतितोला दुई लाख ५८ हजार रुपैयाँ पुगेको थियो ।
यता, चाँदीको मूल्य पनि बढेको छ ।
आइतबार प्रतितोला तीन हजार १५ रुपैयाँमा कारोबार भएको असली चाँदीको सोमबार बढेर तोलामा तीन हजार ६५ रुपैयाँ कायम भएको हो ।
चाँदीको भाउ हालसम्मकै उच्च गत असोज ३१ म प्रतितोला तीन हजार तीन सय ५० रुपैयाँ पुगेको थियो ।
