पोखरा । चार दिने कतारको भ्रमण सकेर राष्ट्रपति रामचन्द्र पौडेल आज अपराह्न स्वदेश फर्कदै छन् ।
कतारको राजधानी दोहामा आयोजित ‘सामाजिक विकासका लागि दोस्रो विश्व शिखर सम्मेलन’ मा सहभागी हुन उनी कात्तिक १७ गते कतारको राजधानी दोहा पुगेका थिए ।
राष्ट्रपति पौडेलले गत मंगलबारस म्मेलनको मुख्य सत्रलाई सम्बोधन गरेका थिए ।
सम्मेलनका क्रममा आयोजित सामाजिक विकासका तीन स्तम्भको सुदृढीकरणः गरिबी निवारण, पूर्ण र उत्पादनशील रोजगारी एवं सबैका लागि मर्यादित काम र सामाजिक समावेशीकरण विषयक उच्च स्तरीय गोलमेच सम्मेलनलाई पनि सम्बोधन गरेका थिए ।
पौडेलले गत तीन दशकमा उल्लेखनीय प्रगति हासिल भए तापनि सामाजिक विकासका क्षेत्रमा धेरै समस्या र चुनौती कायमै रहेको बताएका थिए ।
गरिबी निवारण, सामाजिक समावेशीकरण, समृद्धि र दिगो विकास लोकतन्त्रका आधारस्तम्भ भएको उनले बताएका थिए ।
