पोखरा । टर्कीको दक्षिणी प्रान्त मर्सिनको एर्डेम्लीमा कृषि कामदार बोकेको मिनीबस मंगलबार पल्टिँदा पाँच जनाको ज्यान गएको छ भने अन्य १४ जना घाइते भएका छन् ।
मिनीबस जिल्ला केन्द्रतर्फ जाँदै गर्दा चालकले स्टेयरिङको नियन्त्रण गुमाउँदा पल्टिएको अर्ध-सरकारी अनाडोलु एजेन्सीले जनाएको छ । जसका कारण मिनीबस सडक किनारको खाल्डोमा लगभग १० मिटर खसेको थियो ।
प्रत्यक्षदर्शीको फोनपछि अग्नि नियन्त्रक, चिकित्सा टोली र जेन्डरमेरी एकाइसहित आपतकालीन सेवाका लागि घटनास्थलमा जुटेका समाचार संस्था सिन्ह्वाले जनाएको छ ।
घाइतेहरूलाई उपचारको लागि नजिकैको अस्पतालमा लगिएको छ । दुर्घटनाको कारणको बारेमा अनुसन्धान भइरहेको रिपोर्टमा भनिएको छ ।
सुरक्षा महानिर्देशनालयका अनुसार २०२४ मा टर्कीभर ट्राफिक दुर्घटनाले २ हजार ७ सय १३ जनाको ज्यान लिएको छ ।
