हरिवंश आचार्यको ‘हरि बहादुर’ अब ठुलो पर्दामा फर्किँदै!

हरिवंश आचार्यको हरि बहादुर पात्र पुन पर्दामा देख्न पाइने भएको छ। हरि बहादुर, यो पात्रसँग तपाईँ कुनै कालखण्डमा पक्कै परिचित भएको हुनुपर्छ । किनकि नेपाली हास्य क्षेत्रका अग्रणी व्यक्तित्व हरिवंश आचार्यले टेलिशृङ्खला र रङ्गमञ्चमा निर्वाह गरेको हरि बहादुर नामक पात्रले दर्शकको धेरै माया पायो । मह जोडीका रूपमा सामाजिक विभेद, विकृति र सन्देशमूलक सामग्रीमा देखिएका हरि बहादुर हराएको केही समय भएको छ ।

तपाईँले सानो पर्दामा नदेखेको लामो समय भयो । कहाँ छन त, हरि बहादुर ? के गर्दै छन ? बदलिँदो समयसँगै उनी कस्ता भए त ? यो प्रश्न तपाइको मनमा पनि हुनुपर्छ । किनकि हामी धेरै बाल्यकाल भनौँ वा टेलिभिजन हेर्ने समयमा हरि बहादुर जोडिनुभएको छ । तपाईँले मिस गरिरहनुभएको हरि बहादुर अब दसैँमा तपाईँलाई भेट्न आउँदै हुनुहुन्छ ।

उहाँ यस पटक सानो पर्दा र रङ्गमञ्चमा नभई ठुलो पर्दा अर्थात फिल्म हलमा तपाईँलाई भेट्नु हुनेछ । ‘हरि बहादुरको जुत्ता’ नामक फिल्ममा तपाईँले उही तपाईँकै पुरानो प्रिय पात्र हरि बहादुरलाई भेट्ने र उहाँको परिवर्तित संसारलाई बुझ्ने मौका पाउनु हुनेछ । हरिबहादुरसँगै स्वस्तिमा खड्का, प्रकाश सपुत, अभिनेत्री प्रियङ्का कार्की लगायतको अभिनय रहेको फिल्म ‘हरिबहादुरको जुत्ता’ आगामी दसैँको अवसर पारेर फूलपाती अर्थात असोज १३ गते देखि तपाइको नजिकको फिल्म हलमा लाग्ने छ ।
हरि बहादुर फर्किँदैछन तयार रहनुहोस हाँसो र सम्झनाको त्यो मीठो स्वाद पुनः अनुभव गर्न