नाजिरले उनको आगामी चलचित्र ‘गुन्यो चोलो’ को लागी निकै मेहनत गर्नुपरेको किस्सा सुनाएका छन् । उनी भन्छन्, ‘३ महिनासम्म मैले एक सीता भात खाईन । १७ केजी तौल घटाउनुपर्ने थियो । हिल लगाएर नाच्दा खुट्टा मर्किएर म पटक पटक अस्पताल भर्ना भए । धेरै पटक सुटीङ रोकियो । सामाजिक सञ्जाल बन्द गरे ।’
गुन्यो चोलो चलचित्रमा नाजीरले ट्रान्स वुमन महिलाको चरित्र निर्वाह गरेका छन् जुन भुमीकाको लागी उनी डेढ वर्ष यही चरित्रमा बसेर काम गरे । त्यो समयमा उनी कसैसँग बोल्दैनथे । नाजीर भन्छन्, ‘फिल्मको सुटीङ सकिएपछि पनि त्यो क्यारेक्टरबाट निस्कन ६ महिना लाग्यो ।’ फिल्म ‘गुन्यु चोलो’को ट्रेलर पनि सार्वजनिक भएको छ।
सार्वजनिक ट्रेलरमा यौनिक तथा अल्पसङ्ख्यक समुदायका मनिसले आफ्नो पहिचान खुलाउन गरेको संघर्षलाई देखाइएको छ फिल्ममा अभिनेता नाजिर हुसेन पारालैंगिक महिला (ट्रान्सवुमन) को भूमिकामा छन्। गुलाबी पात्रको रूपमा उनले अभिनय गरेका छन्।जन्मिँदा पुरुष भए पनि हुर्किँदै गर्दा महिलाको पहिरन र गरगहनामा शृङ्गारिन मन पराउने छोरा (नाजिर हुसेन)ले बाबुको लाहुरे बनाउने सपना त्यागेर कसरी आफ्नो लैङ्गिक पहिचान खुलाउँछ भन्ने ट्रेलरमा देखाइएको छ। अभिनेता नाजिर उक्त भूमिकामा जीवन्त देखिएका छन्।
