Nidan Media

अर्जुन सापकोटाको ‘झलिको’ प्रेम, बिछोड र परदेशी पीडाको कथामा नयाँ गीत सार्वजनिक

लोकगायक अर्जुन सापकोटाको नयाँ गीत ‘झलिको’ युट्युबमा सार्वजनिक भएको छ ।
गीतमा सापकोटासँगै मेलिना राई र समीक्षा अधिकारीको स्वर समावेश छ । उनकै संगीत रहेको गीतले छोटो समयमै राम्रो भ्यूज पाएको छ ।
बुधबार दिउँसोसम्म गीतलाई युट्युबमा ४ लाख भन्दा बढीपटक हेरिएको छ । टिकटकलगायतका प्लेटफर्ममा पनि गीत रूचाइएको छ ।
गीतको शब्द रचना सन्तोष सापकोटाको हो । कृष्ण रेउलेको थेगो रहेको गीतको संगीत संयोजन एचबीएन किस्मतको हो । गीतमा प्रदीप रोदनको कविता वाचन छ ।

 

गीतका शब्दले मायाको कुरा गर्छन् । प्रेम जोडीको भावनालाई यसमा व्यक्त गरिएको छ । भिडियोमा भने वैदेशिक रोजगारीका लागि परदेश जाने युवाको कथा छ । परदेश गएको प्रेमी र गाउँमा रहेकी प्रेमिकाको कथालाई भिडियोमा रोचक ढंगले देखाइएको छ ।परदेश गएको युवा काठको बाकसमा फर्किएको कथालाइ भिडियोमा प्रस्तुत गरिएको छ ।
भिडियोमा अर्जुन सापकोटा र कुसुम भण्डारीको अभिनय संगै शिवु पाण्डे, राजेन्द्र अर्याल, सन्तोष सापकोटा लगायत अन्य कलाकारलाई पनि देख्न सकिन्छ ।
झलिको गितको कथा दीपा सिंखडा र विशाल घिमिरेले तयार पारेका हुन् । कास्कीको घान्द्रुकमा छायांकन गरिएको भिडियोलाइ निर्देशन पनि विशाल घिमिरेले नै गरेका हुन् ।

मुकेश नेपालीको नृत्य निर्देशन रहेको भिडियोमा बुद्ध थापाको छायांकन, दिन्सन शाहको सम्पादन रहेको छ । गायक अर्जुनले आफ्नै अफिसियल युट्युब च्यानलमार्फत यो गीतलाई सार्वजनिक गरेका हुन् ।

गायक सापकोटाका यसअघि ‘बस्यौ अलक्कै’ ‘पछ्यौरी लिसियो’, दुख साटौला लगायतका गीतहरु सर्वाधिक रूचाइएका छन् ।

 

 

No widgets found. Go to Widget page and add the widget in Offcanvas Sidebar Widget Area.