कोशी

पाेखरा। सिन्धुलीको सुनकोसी गाउँपालिका वडा नम्बर–७ स्थित कानढुंग्रीमा सुनकोसी नदीमा डुबेको अवस्थामा मोटरसाइकल फेला परेको छ । बीपी राजमार्गबाट नदीमा खसेको अवस्थामा ज.१० प २६०४ नम्बरको अपाचे मोटरसाइकल फेला परेको जिल्ला प्रहरी कार्यालय सिन्धुलीले जनाएको छ । राजमार्गबाट करिब ३५ मिटर तल नदीबाट सशस्त्र प्रहरी बलको टोलीले मोटरसाइकल निकालेको छ । सो मोटरसाइकल सर्लाहीका बरहथवा नगरपालिका–७ घर भएका राजाबाबु यादवले चलाएका थिए । उनी अर्को सवारीमा चढेर आएको र ललितपुरको इमाडोलमा उपचार गराइरहेको जिल्ला प्रहरी कार्यालय सिन्धुलीले जानाकारी दियाे ।

ताप्लेजुङको फुङलिङ नगरपालिका–११ स्थित पवित्र मुकुलुंग (पाथीभरा) क्षेत्रमा केबलकार निर्माणको विरोधमा उत्रिएका ‘नो केबलकार समूह’ का शान्तिपूर्ण आन्दोलनकारीहरूमाथि सरकारले बलपूर्वक दमन गरेको छ। शनिबार साँझ भएको यस घटनामा प्रहरीले अन्धाधुन्ध गोली प्रहार गर्दा चार जना गम्भीर घाइते भएका छन्। घटनामा घाइते हुनेमा यामबहादुर लिम्बू, सगुन लावती, धर्मान पालुङ्वा, र मंगल लावती रहेका छन्। घाइते भएकाहरूको स्वास्थ्य अवस्था चिन्ताजनक रहेकाेले  काठमाडौं लगिने भएको छ । विराटनगरस्थित नोबेल हस्पिटलमा रिफर गरेर ल्याए पनि त्यहाँबाट काठमाडौं पठाउने तयारी गरिएको हो । मोरङका प्रमुख जिल्ला अधिकारी इन्द्रदेव यादवले घाइतेहरूलाई काठमाडौं पठाउने तयारी रहेको पुष्टि गरे । 'आर्मीको हेलीकप्टर मार्फत काठमाडाैं लाने तयारी हुँदै छ…