चलचित्र ‘झरीपछिको इन्द्रेणी’को शुभ–मुहूर्त गरिएको छ । बिहीबार ललितपुरको धन्वन्तरी वाराही मन्दिरमा शुभ मुहूर्त गरिएको फिल्मको छायाङ्कन पनि आजैबाट सुरु हुनेछ ।
फिल्ममा रमेश उप्रेती, निर्मल शर्मा, दिपाश्री निरौला, गणेश उप्रेती, प्रियाना आचार्य लगायतको मुख्य भूमिका रहेको छ । काठमाडौँ, ललितपुर र भक्तपुरमा खिचिने फिल्मको कथा कुमार बेन्जन्कारको हो भने पटकथा गणेश कार्कीले तयार गरेका हुन् ।
पशुपति शिवजी इन्टरटेन्मेन्टको ब्यानरमा निर्माण हुन लागेको फिल्मलाई कलाकार अर्जुन घिमिरे ‘पाँडे’ले निर्देशन गर्न लगेका हुन् ।
