नेकपा एमालेका महासचिव शंकर पोखरेलले पार्टी बलियो बनाउन वडा केन्द्रित ‘जरा अभियान’ सञ्चालन गरिएको बताएका छन् ।
एमाले स्थानीय विकास विभागले शनिबार नेपालगञ्जमा गरेको स्थानीय तह निर्वाचनमा नेकपा एमालेबाट प्रत्यासी उम्मेदवारलाई सम्मान तथा अभिमुखीकरण कार्यक्रममा उनले जरा केन्द्रित अभियान र मिसन–२०८४ ले एमालेलाई अझ सशक्त शक्तिका रूपमा स्थापित गर्ने बताए ।
महासचिव पोखरेलले नेकपा एमालेलाई निर्णायक शक्ति निर्माण गर्ने यात्रामा स्थानीय तहका पूर्वजनप्रतिनिधिका साथै तहका युवा वर्गको योगदान हुनेमा आफू विश्वस्त रहेको धारणा राखे । सुदृढ राजनीतिक दलबाट नै राष्ट्र निर्माण हुने तर्क गर्दै उनले भने, ‘समृद्ध नेपाल, सुखी नेपाली’को राष्ट्रिय आकांक्षा पूरा गर्न नेकपा एमाले क्रियाशील रहेको छ ।’
