पोखरा
जीवन दाहाल र राजन कार्कीको ‘पोखरामा घाम लाग्यो घमाइलो’ बोलको गीत सार्वजनिक भएको छ ।
एक दिनअघि सार्वजनिक भएको यो गीतलाई सामाजिक सञ्जाल फेसबुक रिल र टिकटकमा सकारात्मक प्रतिक्रिया मिलिरहेको छ ।
गायक जीवन दाहाल, राजन कार्की र पछिल्लो समयकी चर्चित गायिका शान्ता रानीको स्वर रहेको यस गीतमा राजन कार्कीको शब्द र संगीत छ ।
गीतको भिडियोलाई राजन कार्कीले परिकल्पना गरेका छन् भने निर्देशन मनोहरी भण्डारीले गरेका छन् । भिडियोमा जीवन दाहाल, राजन कार्की, संगीता क्षेत्री, सपना क्षेत्री, महसुप क्षेत्री, वर्षा क्षेत्री, राजन सुवेदीलगायतका कलाकारहरूले अभिनय गरेका छन् ।
