पोखरा । यतिखेर हलमा प्रदर्शनरत फिल्म ‘पूर्णबहादुरको सारङ्गी’ ले आक्रमक व्यापार गरेको छ । अहिलेसम्म छोटो समयमा सबैभन्दा बढी व्यापार गरेको यो फिल्मले बाबु छोराको कथालाई प्रस्तुत गरेको छ ।
फिल्मले आक्रमक व्यापार गरिरहँदा फिल्ममा समावेश लोक लयको गीत ‘रैयाँ चाँदीको’ लाईपनि निकै रुचाएको छ । उक्त गीत करोड क्लबमा प्रवेश गर्न सफल भएको छ । यस गीतलाई युट्युबमा करोड भ्युज मिलेको हो।
सार्वजनिक भएको एक महिनामा यस गीतलाई करोड पटक हेरिएको हो । आशिष अविरल र मेलिना राईको स्वर रहेको गीत सार्वजनिक भएदेखि नै चर्चामा आएको थियो । लोकभाकामा आधारित गीत टिकटक र रिल्समा यो गीत भाइरल बनेको छ ।
दोहोरी शैलीको यस गीतको शब्द नवराज पन्तले लेखेका हुन् । साथै गीतमा गायक अविरलकै संगीत रहेको छ । गीतको भिडिओमा फिल्मका मुख्य कलाकार विजय बराल र अञ्जना बराइली, मुकुन भुषाल, बृद्धि तामाङ लगायतको अभिनय छ ।
