पोखरा ।
प्रहरीले मेडिकल व्यवसायी दुर्गा प्रसाईंलाई पक्राउ गरेको छ । साइबर ब्यूरोबाट खटिएको टोली र जिल्ला प्रहरी परिसर भक्तपुरको सहयोगमा प्रसाईंलाई आइतबार अपराह्नमा पक्राउ गरेको हो ।
विद्युतीय कारोबार ऐन अन्तर्गत पक्राउ पूर्जी जारी भएपछि प्रहरीले भक्तपुरबाट प्रसाईंलाई पक्राउ गरेको हो । प्रसाईंलाई पक्राउ गर्न प्रहरी भक्तपुरको मध्यपुर थिमी नगरपालिका–६ कमेरोटारस्थित उनको घरमै गएको थियो ।
प्रसाइले घरको गेट नै नखोलेपछि कम्पाउण्ड नाघेर भित्र प्रवेश गरेर प्रहरीले उनलाई नियन्त्रणमा लिएको हो । साइबर ब्यूरोमा उनीविरुद्ध जाहेरी परेपछि जिल्ला अदालत, काठमाडौंले प्रसाईंलाई पक्राउ गरेर अनुसन्धान गर्न प्रहरीलाई अनुमति दिएको थियो । प्रसाईं विरुद्ध असोज २ गते काठमाडौं जिल्ला अदालतले पक्राउ पुर्जी जारी गरेको थियो ।
